412                                           REGISTRES DU BUREAU                       ,               [i566]
DCII. — [Amende pour distribution de boys, sans appeller jurez.]
[Remise de seaulx et crocz pour obvier aux inconveniens de feu.]
[Visitation de boys par jurez mosleurs.]
26 avril 1564. (H i785, fol. 260 r°.)
Du xxvime Avril vc lxiiii.
Pierre Duboys, tavernier, demourant es faulx­bourgs S1 Marcel, lequel, après serment par luy faict, interrogué s'il a pas prins du bois d'un basteau estant au port aux passeurs, a dict qu'il avoit aud. basleau cinquante huict demyes queues de vin qu'il a achapté au païs d'Amont et douze voyes de boys qu'il a prinses en paiement, dont il en a bailléà trois de ses gendres, le reste aux Gobelins. Interrogué quel jour arriva led. boys, a dict quc ce fut lundi dernier. Interrogué s'il scet que lesd. Gobelins envoierent ceans demander congé d'avoir dud. boys, a dict qu'il n'en scet riens, mais bien Jehan Gobellin'1' luy demanda dud. boys, et luy en bailla. Interrogué qui est le marinier dud. basteau, a dict que led. basteau appartient à Esme Mercier et a esté adinené par ses gens. Interrogué quelz jurez ont compté led. boys, a dict qu'il n'avoit aucuns jurez, parce que led. boys estoit pour luy et sesd, gendres, mais a paiez lesd, jurez de leur droict, le jour d'huy matin, et leur a baillé huict solz tournois, dont l'un se nomme Barbette. Nous, oy le Procureur du Roy et de lad. Ville, et actendu que led. Dubois a distribué led. boisa sa volunté à qui bon luy asemble, à aultre port que ordinaire, sans appeller juré, contre l'ordonnance, le condemnons en iiii livres parisis d'amende, et deffences, etc., sur laquelle admende sera prins x solz parisis pour les fraiz de Delorme et Salle et le quint au dénonciateur. Reste net l solz parisis, me Bonaventure André dénonciateur.
Au jour d'huy, a esté ordonné et enjoinct à la vefve Mathurin Cousinot, en son vivant Quartenier de lad. Ville, Mathurin Prevost, soy faisant fort de lad. vefve, de envoier aud. Bureau, dedans de­main , dix heures du matin, les sceaulx et crocz cy devant baillez aud. deffunct Cousinot, pour estre baillez à m" Robert Danès, Quartenier au lieu d'icel­luy deffunct, pour obvier aux inconveniens de feu qui pourroient advenir aud. quartier.
Entre André Delaporte, marchant bourgeois de Paris, garny de André, son procureur, present, de­mandeur, d'une part, et Cellot, procureur de Jehan Forestz, serviteur et facteur de Berthelemy Bonne­foy, voicturier par eaue, demourant à Montargis, def­fendeur, present en personne, d'aultre part, parties oyes, condemnons led. demandeur à paier aud. Forestz la somme de cinquante deux livres tournois pour la Voicture de quarente moulles de bois, dont est question, suivant le marché faict entre les partyes, sauf à luy son recours contre qui il apartiendra, pour raison de la deffecluosité dud. boys par luy pretendue, et à ceste fin est permis aud. Delaporte faire visitter led. bois par deux jurez mosleurs de lad. Ville qui se transporteront es lieulx où a esté mené led. boys, pour leur rapport veu, faire droict aud. Delaporte ainsy que de raison, après que led. Forestz a proleslé que lad. visitation ne luy puisse nuire ne prejudicier.
DCIII. — [Payement de somme pour vente de bled.]
[Réparation de minot rompu.] — [Deffences de garer basteau aux Javeaulx.]
[Enlèvement des boues et immondices, au port en Greve.]
27 avril 1564. {H 1785, fol. 261 v°.)
Du jeudy, xxviim° jour d'Avril ve lxiiii.
Au jour d'huy, est comparu au Bureau de lad. Ville Robert Heron, boulenger, demourant es faulxbourgs
S1 Denis, lequel, de son consentement, a esté con­demné à paier à Jacques Bonvillier, marchant bour­geois de Paris, la somme de quinze livres tournois pour vente el delivrance de bled, prins et enlevé par
(1) Jean Gobelin était très probablement l'un des Cls de Philibert Gobelin, marchand teinturier d'écarlate à Saint-Marcel, mort avant 15 io.